Sahir Ehtram E Insaniyat Ka Shaer

ساحر: احترامِ انسانیت کا شاعر 

از: ڈاکٹر محمد حسین مشاہد رضوی

ﺳﺮﺯﻣﯿﻦ ﭘﻨﺠﺎﺏ ﮐﻮ ﯾﮧ ﺷﺮﻑ ﺣﺎﺻﻞ ﮨﮯ ﮐﮧ ﻗﺪﺭﺕ ﻧﮯ ﺟﮩﺎﮞ ﺍﺱ ﮐﻮ ﺯﺭﺧﯿﺰ ﺯﻣﯿﻦ ﻋﻄﺎ ﮐﯽ ﮨﮯ،ﻭﮨﯿﮟ ﭘﺮ ﺍﯾﮏ ﭘُﺮﻓﻀﺎ ﻣﺎﺣﻮﻝ ﻧﺪﯾﻮﮞ ﮐﺎ ﺍﯾﮏ ﺷﺎﻧﺪﺍﺭﺳﻠﺴﻠﮧ ﺻﺤﺖ ﻣﻨﺪ ﺍﻭﺭ ﺗﻮﺍﻧﺎﺍﻧﺴﺎﻧﯽ ﻧﺴﻞ ﻣﺬﮨﺒﯽ ﺍﻭﺭ ﺻﻮﻓﯿﺎﻧﮧ ﻣﺎﺣﻮﻝ ﺑﮭﯽ ﺑﺨﺸﺎ ﮨﮯ۔ ﺍﯾﮏ ﺟﺎﻧﺐ ﺑﺎﺑﺎ ﻓﺮﯾﺪﺭﺣﻤۃ ﺍﻟﻠﮧ ﻋﻠﯿﮧ ﺍﻭﺭﮔﺮﻭﻧﺎﻧﮏ ﮐﯽ ﺍﻧﺴﺎﻧﯽ ﯾﮑﺠﮩﺘﯽ ﮐﯽ ﺗﻌﻠﯿﻢ ﺳﮯ ﺳﺮﻓﺮﺍﺯ ﮐﯿﺎ ﮨﮯ ﺗﻮ ﺩﻭﺳﺮﯼ ﺟﺎﻧﺐ ﺍﺭﺩﻭ ﭘﻨﺠﺎﺑﯽ ﺯﺑﺎﻧﻮﮞ ﺳﮯ ﺷﻌﺮ ﻭﺍﺩﺏ ﺳﮯ ﺗﻌﻠﻖ ﺭﮐﮭﻨﮯ ﻭﺍﻟﮯ ﺍٓﻓﺘﺎﺏ ﺍﻭﺭ ﻣﺎﮨﺘﺎﺏ ﺑﮭﯽ ﭘﯿﺪﺍ ﮐﺌﮯ ﮨﯿﮟ ﺟﻨﮩﻮﮞ ﻧﮯ ﺷﻌﺮ ﯼ ﻭ ﻧﺜﺮﯼ ﺍﺩﺏ ﺳﮯ ﻟﮯ ﮐﺮ ﻓﻠﻤﯽ ﺩﻧﯿﺎ ﺗﮏ ﻣﯿﮞﺎﭘﻨﯽ ﻓﻦ ﮐﺎﺭﺍﻧﮧ ﺻﻼﺣﯿﺘﻮﮞﺎﻭﺭ ﺍﭘﻨﯽ ﺳﺤﺮ ﺑﯿﺎﻧﯽ ﮐﺎ ﻟﻮﮨﺎ ﻣﻨﻮﺍﯾﺎ۔ﻋﻤﻮﻣﺎًﭘﻨﺠﺎﺏ ﮐﯽ ﺳﺮﺯﻣﯿﻦ ﺧﺼﻮﺻﺎًﻟﺪﮬﯿﺎﻧﮧ ﮐﻮ ﯾﮧ ﻓﺨﺮ ﺣﺎﺻﻞ ﮨﮯ ﮐﮧ ﯾﮩﯿﮟ ﭘﺮ ﺍﺭﺩﻭ ﮐﮯ ﻣﻘﺒﻮﻝ ﺷﺎﻋﺮﻭﮞ ﻣﯿﮟ ﺍﯾﮏ ﻧﺎﻣﻮﺭ ﺳﺨﻦ ﻭﺭ ﻋﺒﺪﺍﻟﺤﺌﯽ ﻧﮯ 8 ﻣﺎﺭﭺ 1921 ﺀ ﮐﻮ ﺍﯾﮏ ﺟﺎﮔﯿﺮﺩﺍﺭ ﺧﺎﻧﺪﺍﻥ ﻣﯿﮟ ﺟﻨﻢ ﻟﯿﺎ۔ﺟﻮﺑﻌﺪﻣﯿﮞﺪﻧﯿﺎﮮ ﺷﻌﺮ ﻭ ﻧﻐﻤﮧ ﻣﯿﮟ ﺳﺎﺣﺮؔ ﻟﺪﮬﯿﺎﻧﻮﯼ ﮐﮯ ﻧﺎﻡ ﺳﮯ ﻣﺸﮩﻮﺭ ﮨﻮﺍ۔ﺳﺎﺣﺮؔ ﮐﺎﺗﻌﻠﻖ ﮐﺴﯽ ﻋﻠﻤﯽ ﺍﻭﺭ ﺍﺩﺑﯽ ﮔﮭﺮﺍﻧﮯ ﺳﮯ ﻧﮧ ﺗﮭﺎ،ﺍﻭﺭ ﻧﮧ ﮨﯽ ﺍﺳﮯ ﺷﺎﻋﺮﯼ ﻭﺭﺛﮧ ﻣﯿﮟ ﻣﻠﯽ ﺗﮭﯽ ،ﺍﻧﮩﻮﮞ ﻧﮯ ﺟﺲ ﻣﺎﺣﻮﻝ ﻣﯿﮞﺎ ٓﻧﮑﮫ ﮐﮭﻮﻟﯽ ﺍﺱ ﻣﯿﮟ ﺍﻥ ﮐﻮ ﺑﮯ ﺍﻃﻤﯿﻨﺎﻧﯽ ﺑﮯ ﭼﯿﻨﯽ ﺫﮨﻨﯽ ﺧﻠﻔﺸﺎﺭﺍﻭﺭ ﺭﻭﺣﺎﻧﯽ ﮐﺮﺏ ﮐﮯ ﺳﻮﺍ ﮐﭽﮫ ﻧﮧ ﻣﻼ۔ ﺍﺱ ﮐﮯ ﺑﺎﻋﺚ ﺳﺎﺣﺮ ؔﺍﭘﻨﮯ ﺍٓﭖ ﮐﻮﺍﺟﻨﺒﯽ ﻣﺤﺴﻮﺱ ﮐﺮﻧﮯ ﻟﮕﮯ۔ﻣﻌﺎﺷﺮﮦ ﮐﯽ ﻣﺴﻠﺴﻞ ﻧﺎﻗﺪﺭﯼ ﮐﺎ ﺯﮨﺮ ﺍﻥ ﮐﮯ ﺭﮒ ﻭ ﭘَﮯ ﻣﯿﮟ ﺳﺮﺍﯾﺖ ﮐﺮ ﮔﯿﺎ ﺗﮭﺎ۔ﺟﺲ ﮐﺎ ﻋﻼﺝ ﺍﻧﮭﻮﮞ ﻧﮯ ﺷﺎﻋﺮﯼ ﻣﯿﮟ ﮈﮬﻮﻧﮉﺍ۔ﺳﺎﺣﺮؔ ﮐﺎ ﻣﺰﺍﺝ ﺍﯾﮏ ﻣﺒﻠﻎ ﺍﻭﺭ ﻣﺼﻠﺢ ﮐﺎ ﺭﻧﮓ ﺭﮐﮭﺘﺎ ﺗﮭﺎﻣﮕﺮ ﺍﻥ ﮐﮯ ﺍﻧﺪﺭ ﺳﻤﺎﺝ ﮐﮯ ﺑﺪﻧﻤﺎ ﻣﺎﺣﻮﻝ ﮐﮯ ﺧﻼﻑ ﺑﻐﺎﻭﺕ ﮐﺎ ﺟﺬﺑﮧ ﺑﮭﯽ ﺑﺪﺭﺟﮧ ٔ ﺍﺗﻢ ﻣﻮﺟﻮﺩ ﺗﮭﺎ۔ﻭﮦ ﺍﭘﻨﮯ ﺣﺴﺎﺱ ﺫﮨﻦ ﮐﮯ ﺍﺱ ﺑﻮﺟﮫ ﮐﻮﺍﭘﻨﯽ ﺷﺎﻋﺮﯼ ﮐﮯ ﻭﺳﯿﻠﮯ ﺳﮯ ﮨﻠﮑﺎ ﮐﺮﺗﮯ ﺗﮭﮯ ۔ﺍﻥ ﮐﯽ ﺷﺎﻋﺮﯼ ﻣﯿﮟ ﺟﺬﺑﺎﺕ ﺍﻭﺭ ﺍﺣﺴﺎﺳﺎﺕ ﮐﺎ ﺍﯾﮏ ﺟﮩﺎﻥ ﭘﻨﮩﺎﮞ ﮨﮯ ﺟﻮ ﺯﻧﺪﮔﯽ ﮐﮯ ﭼﮩﺮﮮ ﮐﮯ ﺑﺪﻧﻤﺎ ﺩﺍﻏﻮﮞ ﮐﻮ ﻧﻤﺎﯾﺎﮞ ﮐﺮﺗﺎ ﮨﮯ ،ﺍﺳﯽ ﻟﺌﮯ ﻭﮦ ﺑﮯ ﺑﺎﮐﺎﻧﮧ ﺍﻧﺪﺍﺯ ﻣﯿﮞﺴﻤﺎﺝ ﭘﺮ ﻃﻨﺰ ﻭ ﻧﺸﺘﺮﯾﺖ ﮐﺎﮐﺎﭦ ﺩﺍﺭ ﻭﺍﺭ ﮐﺮﺗﮯ ﮨﯿﮟ۔ﻣﺜﺎﻝ ﮐﮯ ﻃﻮﺭ ﭘﺮ ؎

ﯾﮧ ﮐﻮﭼﮯ ﯾﮧ ﻧﯿﻼﻡ ﮔﮭﺮ ﺩﻟﮑﺸﯽ ﮐﮯ

ﯾﮧ ﻟﭩﺘﮯ ﮨﻮﺋﮯ ﮐﺎﺭﻭﺍﮞ ﺯﻧﺪﮔﯽ ﮐﮯ

ﮐﮩﺎﮞ ﮨﯿﮟ ﮐﮩﺎﮞ ﮨﯿﮟ ﻣﺤﺎﻓﻆ ﺧﻮﺩﯼ ﮐﮯ

ﺛﻨﺎ ﺧﻮﺍﻥ ﺗﻘﺪﯾﺲ ﻣﺸﺮﻕ ﮐﮩﺎﮞ ﮨﯿﮟ

ﺳﺎﺣﺮؔ ﮐﯽ ﺑﮯ ﭘﻨﺎﮦ ﻣﻘﺒﻮﻝ ﻧﻈﻤﻮﮞ ﻣﯿﮟ ‘‘ ﺗﺎﺝ ﻣﺤﻞ ’’ ﮐﻮ ﺍﺗﻨﺎ ﭘﺴﻨﺪ ﮐﯿﺎ ﺟﺎﺗﺎ ﺗﮭﺎ ﮐﮧ ﺟﺐ ﮐﺒﮭﯽ ﮐﺴﯽ ﻣﺸﺎﻋﺮﮮ ﻣﯿﮟ ﺳﺎﺣﺮؔ ﻣﺎﺋﮏ ﭘﺮ ﺁﺗﮯ ﺗﮭﮯ ﺗﻮﻟﻮﮒ ‘‘ ﺗﺎﺝ ﻣﺤﻞ ﺗﺎﺝ ﻣﺤﻞ ’’ ﮐﮩﮧ ﮐﺮ ﭼﻼﻧﮯ ﻟﮕﺘﮯ ﺗﮭﮯ۔ ﺣﺎﻻﻧﮑﮧ ﺗﺎﺝ ﻣﺤﻞ ﭘﺮ ﺳﺎﺣﺮؔ ﺳﮯ ﭘﮩﻠﮯ ﺍﻭﺭ ﺑﻌﺪ ﻣﯿﮟ ﺑﮭﯽ ﮐﺌﯽ ﺷﺎﻋﺮﻭﮞ ﻧﮯ ﻧﻈﻤﯿﮟ ﻟﮑﮭﯽ ﮨﯿﮟ، ﻣﮕﺮ ﺍﺭﺩﻭ ﺷﺎﻋﺮ ﯼ ﻣﯿﮟ ﺳﺎﺣﺮؔ ﺗﻨﮩﺎ ﺍﯾﺴﮯ ﺷﺎﻋﺮ ﮨﯿﮟ ﺟﻨﮩﻮﮞ ﻧﮯ ﺻﺪﯾﻮﮞ ﺳﮯ ﻣﺤﺒﺖ ﺍﻭﺭ ﻋﻈﯿﻢ ﺍﻭﺭ ﻻﺛﺎﻧﯽ ﯾﺎﺩﮔﺎﺭ ﻣﺎﻧﮯ ﺟﺎﻧﮯ ﻭﺍﻟﮯ ‘‘ ﺗﺎﺝ ﻣﺤﻞ ’’ ﮐﮯ ﺳﺎﺋﮯ ﻣﯿﮟ ﺍﭘﻨﮯ ﻣﺤﺒﻮﺏ ﺳﮯ ﻣﻠﻨﮯ ﺳﮯﺍﻧﮑﺎﺭ ﮐﺮﺩﯾﺎ ﺍﻭﺭ ﺗﺎﺝ ﻣﺤﻞ ﮐﮯ ﺑﺎﺭﮮ ﻣﯿﮟ ﺍﯾﮏ ﺑﺎﻟﮑﻞ ﻧﯿﺎ ﺍﻭﺭ ﺍﭼﮭﻮﺗﺎ ﻧﻈﺮﯾﮧ ﻋﻮﺍﻡ ﮐﮯﺭﻭﺑﮧ ﺭﻭ ﮐﯿﺎ۔ ﺣﺎﻻﻧﮑﮧ ﯾﮧ ﺑﮭﯽ ﺍﯾﮏ ﺣﻘﯿﻘﺖ ﮨﮯ ﮐﮧ ﺍﺱ ﻧﻈﻢ ﮐﻮ ﻟﮑﮭﻨﮯ ﺳﮯ ﭘﮩﻠﮯ ﺗﮏ ﺳﺎﺣﺮ ؔﻧﮯ ﺗﺎﺝ ﻣﺤﻞ ﺩﯾﮑﮭﺎ ﺑﮭﯽ ﻧﮩﯿﮟ ﺗﮭﺎ۔ﺍﺱ ﻧﻈﻢ ﮐﮯ ﺣﻮﺍﻟﮯ ﺳﮯ ﺳﺎﺣﺮؔ ﮐﻮ ﺑﯿﻦ ﺍﻻﻗﻮﺍﻣﯽ ﺷﮩﺮﺕ ﺣﺎﺻﻞ ﮨﻮﺋﯽ۔ ﺍﺣﻤﺪ ﻧﺪﯾﻢ ﻗﺎﺳﻤﯽ ؔ ﻧﻈﻢ ﺗﺎﺝ ﻣﺤﻞ ﭘﺮ ﺗﺒﺼﺮﮦ ﮐﺮﺗﮯ ﮨﻮﺋﮯ ﻟﮑﮭﺘﮯ ﮨﯿﮟ ﮐﮧ ’’: ﯾﮧ ﺗﺎﺝ ﻣﺤﻞ ﮐﮯ ﺑﺎﺭﮮ ﻣﯿﮟ ﺍﯾﮏ ﻧﯿﺎ ﺍﻧﺪﺍﺯ ﻓﮑﺮ ﺗﮭﺎ، ﻧﺌﯽ ﺳﻮﭺ ﺗﮭﯽ،ﺟﻮ ﻧﻮﺟﻮﺍﻧﻮﮞ ﮐﮯ ﻃﺒﻘﮧ ﻣﯿﮟ ﺑﮩﺖ ﻣﻘﺒﻮﻝ ﮨﻮﺋﯽ۔ ‘‘ ﯾﮧ ﻧﻈﻢ ﺳﺎﺣﺮؔ ﮐﮯ ﺷﺎﻋﺮﯼ ﮐﺎﺷﻨﺎﺧﺖ ﻧﺎﻣﮧ ﺛﺎﺑﺖ ﮨﻮﺋﯽ ۔ﭘﻮﺭﯼ ﺩﻧﯿﺎ ﮐﮯ ﺍﺭﺩﻭ ﺩﺍﮞ ﺣﻠﻘﮧ ﻣﯿﮟ ﺳﺎﺣﺮ ﮐﮯ ﻓﻦ ﮐﻮ ﺳﺮﺍﮨﺎ ﮔﯿﺎ۔ﺟﺐ ﺳﺎﺣﺮ ﻧﮯ ﮔﻮﺭﻧﻤﻨﭧ ﮐﺎﻟﺞ ﻟﺪﮬﯿﺎﻧﮧ ﮐﮯ ﻣﺸﺎﻋﺮﮦ ﻣﯿﮟ ﺍﭘﻨﯽ ﻧﻈﻢ ﺗﺎﺝ ﻣﺤﻞ ﭘﮍﮬﯽ ﺗﻮ ﺍﯾﺴﺎ ﻣﺤﺴﻮﺱ ﮨﻮﺍﮐﮧ ﭘﻨﺠﺎﺏ ﮐﮯ ﺍﺱ ﺑﺎﻏﯽ ﺷﺎﻋﺮ ﻧﮯ ﺷﺎﮦ ﺟﮩﺎﮞﮑﯽ ﻣﺤﺒﺖ ﮐﯽ ﺳﺐ ﺳﮯ ﻗﯿﻤﺘﯽ ﯾﺎﺩﮔﺎﺭﺗﺎﺝ ﻣﺤﻞ ﮐﻮ ﮈﺍﺋﻨﺎ ﻣﺎﺋﭧ ﻟﮕﺎ ﮐﺮ ﺍﮌﺍ ﺩﯾﺎ ﮨﻮﺍﻭﺭ ﺍﺱ ﻣﺸﺎﻋﺮﮦ ﮐﯽ ﻓﻀﺎﻭٔﮞ ﻣﯿﮟ ﺍﯾﮏ ﺍﻭﺭ ﺗﺎﺝ ﻣﺤﻞ ﺑﻠﻨﺪ ﮨﻮﺍ ﺟﻮ ﺳﺎﺣﺮؔ ﻟﺪﮬﯿﺎﻧﻮﯼ ﮐﺎ ﺗﮭﺎ۔ﺷﺎﮨﺠﮩﺎﮞ ﮐﺎ ﺗﺎﺝ ﺗﻮ ﺻﺮﻑ ﺍٓﮔﺮﮦ ﻣﯿﮟ ﺩﺭﯾﺎﺋﮯ ﺟﻤﻨﺎ ﻣﯿﮟ ﮨﯽ ﺍﭘﻨﺎ ﻋﮑﺲ ﺩﯾﮑﮭﺘﺎ ﺭﮨﺎﺟﺐ ﮐﮧ ﺳﺎﺣﺮؔ ﮐﺎ ﺗﺎﺝ ﺩﺭﮦٔ ﺧﯿﺒﺮ ﺳﮯ ﻟﮯ ﮐﺮﮐﻨﯿﺎ ﮐﻤﺎﺭﯼ ﺗﮏ ﭘﮭﯿﻞ ﮔﯿﺎ۔ﻇﺎﮨﺮ ﺳﯽ ﺑﺎﺕ ﮨﮯ ﮐﮧ ﺍﯾﮏ ﻃﺮﻑ ﺍﮎ ﺷﮩﻨﺸﺎﮦ ﻧﮯ ﻋﻮﺭﺕ ﮐﯽ ﻣﺤﺒﺖ ﮐﺎ ﺗﺎﺝ ﻣﺤﻞ ﺑﻨﺎﯾﺎ ﺗﻮ ﺍﮎ ﺷﺎﻋﺮ ﻧﮯ ﺍﺭﺩﻭ ﮐﯽ ﻋﻈﻤﺖ ﮐﺎ ﺗﺎﺝ ﻣﺤﻞ ﺑﻨﺎﯾﺎ ﺍﻭﺭ ﺩﻧﯿﺎ ﺩﻭﻧﻮﮞ ﮐﻮ ﻻﺛﺎﻧﯽ ﺍﻭﺭ ﻻﻓﺎﻧﯽ ﺳﻤﺠﮭﺘﯽ ﮨﮯ۔ﻣﺜﺎﻝ ﮐﮯ ﻃﻮﺭ ﭘﺮ ﺍﯾﮏ ﺑﻨﺪ ﺣﺎﺿﺮ ﮨﮯ ؎

ﯾﮧ ﭼﻤﻦ ﺯﺍﺭ ﮨﮯ ﯾﮧ ﺟﻤﻨﺎ ﮐﺎ ﮐﻨﺎﺭﮦ ﯾﮧ ﻣﺤﻞ

ﯾﮧ ﻣﻨﻘﺶ ﺩﺭﻭﺩﯾﻮﺍﺭﯾﮧ ﻣﺤﺮﺍﺏ ﯾﮧ ﻃﺎﻕ

ﺍﮎ ﺷﮩﻨﺸﺎﮦ ﻧﮯ ﺩﻭﻟﺖ ﮐﺎ ﺳﮩﺎﺭﺍ ﻟﮯ ﮐﺮ

ﮨﻢ ﻏﺮﯾﺒﻮﮞ ﮐﯽ ﻣﺤﺒﺖ ﮐﺎ ﺍﮌﺍﯾﺎ ﮨﮯ ﻣﺬﺍﻕ

ﻣﯿﺮﯼ ﻣﺤﺒﻮﺏ ﮐﮩﯿﮟ ﺍﻭﺭ ﻣﻼ ﮐﺮ ﻣﺠﮫ ﺳﮯ

ﯾﮧ ﻧﻈﻢ ﺍﯾﮏ ﺗﮩﯽ ﺩﺳﺖ ﻋﺎﺷﻖ ﮐﮯ ﺟﺬﺑﺎﺕ ﮐﯽ ﻋﮑﺎﺳﯽ ﮐﺮﺗﯽ ﮨﮯ ،ﺍﯾﮏ ﺍﯾﺴﺎ ﻋﺎﺷﻖ ﺟﺲ ﮐﮯ ﭘﺎﺱ ﺍﭘﻨﯽ ﻣﺤﺒﻮﺑﮧ ﮐﻮ ﺩﯾﻨﮯ ﮐﮯ ﻟﺌﮯ ﺳﻮﺍﺋﮯ ﺧﻠﻮﺹ ﺍﻭﺭ ﺳﭽﺎﺋﯿﻮﮞ ﮐﮯ ﮐﭽﮫ ﺑﮭﯽ ﻧﮩﯿﮟ ﮨﮯ۔ﻧﻈﻢ ﺳﮯ ﻧﻈﺮﯾﺎﺗﯽ ﻃﻮﺭ ﭘﺮ ﺗﻮ ﺍﺧﺘﻼﻑ ﮐﯿﺎ ﺟﺎ ﺳﮑﺘﺎ ﮨﮯ ﻟﯿﮑﻦ ﺟﺬﺑﻮﮞ ﮐﯽ ﺻﺪﺍﻗﺖ ﺳﮯ ﺍﻧﮑﺎﺭ ﻧﮩﯿﮟ ﮐﯿﺎ ﺟﺎ ﺳﮑﺘﺎ ﺍﻭﺭ ﯾﮧ ﺻﺪﺍﻗﺖ ﮨﯽ ﻧﻈﻢ ﮐﻮ ﻋﺎﻡ ﺍﻧﺴﺎﻥ ﮐﯽ ﻧﻔﺴﯿﺎﺕ ﺳﮯ ﻗﺮﯾﺐ ﮐﺮﺗﯽ ﮨﮯ۔ﺍﺱ ﻧﻈﻢ ﮐﯽ ﺯﯾﺮﯾﮟ ﺭَﻭ ﻣﯿﮟ ﺍﺣﺘﺮﺍﻡِ ﺍﻧﺴﺎﻧﯿﺖ ﮐﺎ ﺟﻮ ﻋﻨﺼﺮ ﭘﻨﮩﺎﮞ ﮨﮯ ﻭﮦ ﻗﺎﺭﯼ ﻭ ﺳﺎﻣﻊ ﮐﻮ ﺑﺮﺍﮦ ﺭﺍﺳﺖ ﻣﺘﺎﺛﺮ ﮐﺮﺗﺎ ﮨﮯ ۔

ﺳﺎﺣﺮؔ ﮐﯽ ﺷﺎﻋﺮﯼ ﻣﺤﺾ ﺯﻟﻒ ﻭﺭﺧﺴﺎﺭﮐﯽ ﺁﺋﯿﻨﮧ ﺩﺍﺭ ﻧﮩﯿﮟ ﺑﻠﮑﮧ ﭘُﺮ ﺧﯿﺎﻝ ﮨﮯ ﺍﻭﺭ ﻭﮦ ﺍﻧﺴﺎﻥ ﮐﻮ ﺫﮨﻨﯽ ﺧﻮﺭﺍﮎ ﻣﮩﯿﺎ ﮐﺮﺍﺗﯽ ﮨﮯ۔ ﺍﺱ ﮐﮯ ﺩﻝ ﻭﺩﻣﺎﻍ ﻣﯿﮟ ﻧﺌﯽ ﻧﺌﯽ ﻓﮑﺮ ﮐﮯ ﺑﯿﺞ ﺑﻮﺗﯽ ﮨﮯ، ﻧﺌﮯ ﻧﺌﮯ ﺍﺣﺴﺎﺳﺎﺕ ﮐﻮ ﺟﻨﻢ ﺩﯾﺘﯽ ﮨﮯ۔ ﻭﮦ ﯾﻘﯿﻨﺎً ﺳﺎﺣﺮؔ ﮐﯽ ﺭﻭﺡ ﮐﯽ ﺁﻭﺍﺯ ﮨﮯ۔ ﻭﮦ ﺍﺱ ﺷﺎﻋﺮ ﮐﯽ ﭘﮑﺎﺭ ﮨﮯ ﺟﺲ ﻧﮯ ﺧﻮﺏ ﺩﮐﮫ ﺳﮩﮯ ، ﻣﺼﺎﺋﺐ ﻭ ﺁﻻﻡ ﮐﺎ ﻣﻘﺎﺑﻠﮧ ﮐﺮﺗﮯ ﮨﻮﺋﮯ ﺍﭘﻨﯽ ﺷﺎﻋﺮﯼ ﮐﮯ ﺣﻮﺍﻟﮯ ﺳﮯ ﺳﺎﺭﯼ ﺯﻧﺪﮔﯽ ﻟﻤﺤﮧ ﻟﻤﺤﮧ ﺍﻧﺴﺎﻧﯽ ﻣﺤﺒﺖ ﮐﮯ ﭼﺮﺍﻍ ﺭﻭﺷﻦ ﮐﺮﺗﮯ ﮨﻮﺋﮯ ﮔﺰﺍﺭﺩﯼ۔ﺳﺎﺣﺮؔ ﻧﮯ ﺍﭘﻨﯽ ﺷﻌﺮﯼ ﺑﺼﯿﺮﺕ ﺳﮯ ﺍﺣﺘﺮﺍﻡِ ﺍﻧﺴﺎﻧﯿﺖ ﮐﺎ ﺍﺑﻼﻍ ﮐﯿﺎ ۔ ﺍُﺱ ﮐﮯ ﺍﺳﻠﻮﺏ ﻣﯿﮟ ﻃﺮﺯِ ﺍﺣﺴﺎﺱ ﮐﯽ ﺍﮎ ﺷﺎﯾﺴﺘﮕﯽ ، ﺩﺭﺩﻣﻨﺪﯼ ﺍﻭﺭ ﺍﻧﺴﺎﻥ ﺩﻭﺳﺘﯽ ﮐﯽ ﺧﻮﺏ ﺻﻮﺭﺕ ﭘﺮﭼﮭﺎﺋﯿﻮﮞ ﮐﮯ ﺳﺎﺗﮫ ﺳﺎﺗﮫ ﺳﻤﺎﺝ ﮐﮯ ﺩﺑﮯ ﮐﭽﻠﮯ ﻃﺒﻘﺎﺕ ﭘﺮ ﮨﻮﻧﮯ ﻭﺍﻟﮯ ﻣﻈﺎﻟﻢ ﮐﮯ ﺧﻼﻑ ﺻﺪﺍﮮ ﺍﺣﺘﺠﺎﺝ ﺑﮭﯽ ﺍﺑﮭﺮﺗﯽ ﺩﮐﮭﺎﺋﯽ ﺩﯾﺘﯽ ﮨﮯ، ﺳﺎﺣﺮؔ ﮐﯽ ﺯﺑﺎﻧﯽ ؂

ﻣﯿَﮟ ﺷﺎﻋﺮ ﮨﻮﮞ ﻣﺠﮭﮯ ﻓﻄﺮﺕ ﮐﮯ ﻧﻈﺎﺭﻭﮞ ﺳﮯ ﺍﻟﻔﺖ ﮨﮯ

ﻣﺮﺍ ﺩﻝ ﺩﺷﻤﻦِ ﻧﻐﻤﮧ ﺳﺮﺍﺋﯽ ﮨﻮ ﻧﮩﯿﮟ ﺳﮑﺘﺎ

ﻣﺠﮭﮯ ﺍﻧﺴﺎﻧﯿﺖ ﮐﺎ ﺩﺭﺩ ﺑﮭﯽ ﺑﺨﺸﺎ ﮨﮯ ﻗﺪﺭﺕ ﻧﮯ

ﻣﺮﺍ ﻣﻘﺼﺪ ﻓﻘﻂ ﺷﻌﻠﮧ ﻧﻮﺍﺋﯽ ﮨﻮ ﻧﮩﯿﮟ ﺳﮑﺘﺎ

ﺟﻮﺍﮞ ﮨﻮﮞ ﻣﯿَﮟ ﺟﻮﺍﻧﯽ ﻟﻐﺰﺷﻮﮞ ﮐﺎ ﺍﯾﮏ ﻃﻮﻓﺎﮞ ﮨﮯ

ﻣﺮﯼ ﺑﺎﺗﻮﮞ ﻣﯿﮟ ﺭﻧﮓِ ﭘﺎﺭﺳﺎﺋﯽ ﮨﻮ ﻧﮩﯿﮟ ﺳﮑﺘﺎ

ﻣﺮﮮ ﺳﺮﮐﺶ ﺗﺮﺍﻧﻮﮞ ﮐﯽ ﺣﻘﯿﻘﺖ ﮨﮯ ﺗﻮ ﺍﺗﻨﯽ ﮨﮯ

ﮐﮧ ﺟﺐ ﺑﮭﯽ ﺩﯾﮑﮭﺘﺎ ﮨﻮﮞ ﺑﮭﻮﮎ ﮐﮯ ﻣﺎﺭﮮ ﮐﺴﺎﻧﻮﮞ ﮐﻮ

ﻏﺮﯾﺒﻮﮞ ﻣﻔﻠﺴﻮﮞ ﮐﻮ ﺑﮯ ﮐﺴﻮﮞ ﺍﻭﺭ ﺑﮯ ﺳﮩﺎﺭﻭﮞ ﮐﻮ

ﺳﺴﮑﺘﯽ ﻧﺎﺯﻧﯿﻨﻮﮞ ﮐﻮ، ﺗﮍﭘﺘﮯ ﻧﻮﺟﻮﺍﻧﻮﮞ ﮐﻮ

ﺣﮑﻮﻣﺖ ﮐﮯ ﺗﺸﺪﺩ ﮐﻮ ﺍﻣﺎﺭﺕ ﮐﮯ ﺗﮑﺒﺮ ﮐﻮ

ﮐﺴﯽ ﮐﮯ ﭼﯿﺘﮭﮍﻭﮞ ﮐﻮ ﺍﻭﺭ ﺷﮩﻨﺸﺎﮨﯽ ﺧﺰﺍﻧﻮﮞ ﮐﻮ

ﺗﻮ ﺩﻝ ﺗﺎﺏِ ﻧﺸﺎﻁِ ﺑﺰﻡِ ﻋﺸﺮﺕ ﻻ ﻧﮩﯿﮟ ﺳﮑﺘﺎ

ﻣﯿَﮟ ﭼﺎﮨﻮﮞ ﺑﮭﯽ ﺗﻮ ﺧﻮﺍﺏ ﺍٓﻭﺭ ﺗﺮﺍﻧﮯ ﮔﺎ ﻧﮩﯿﮟ ﺳﮑﺘﺎ

ﺟﮩﺎﮞ ﺗﮏ ﺳﺎﺣﺮ ؔﮐﯽ ﻣﮑﻤﻞ ﺷﺎﻋﺮﯼ ﮐﺎ ﺗﻌﻠﻖ ﮨﮯ ﺗﻮ ﺍﺱ ﮐﻮ ﺑﮧ ﻗﻮﻝ ﺟﺎﮞ ﻧﺜﺎﺭ ﺍﺧﺘﺮؔ: ’’ ﺍﯾﮏ ﻣﺮﺻﻊ ﺳﺎﺯﯼ ﮐﮩﮧ ﺳﮑﺘﮯ ﮨﯿﮟ ﺟﺲ ﻣﯿﮟ ﻟﻔﻆ ﻧﮕﯿﻨﻮﮞ ﮐﯽ ﻃﺮﺡ ﺟَﮍﮮ ﻧﻈﺮ ﺍٓﺗﮯ ﮨﯿﮟ ،ﻭﮦ ﺍﻟﻔﺎﻅ ﮐﺎ ﺍﻧﺘﺨﺎﺏ ﻧﮩﺎﯾﺖ ﻣﻮﺯﻭﻧﯿﺖ ﮐﮯ ﺳﺎﺗﮫ ﮐﺮﺗﮯ ﮨﯿﮟ ،ﺍﻥ ﮐﮯ ﮐﻼﻡ ﻣﯿﮟ ﮐﮩﯿﮟ ﺑﮭﺮﺗﯽ ﮐﮯ ﻏﯿﺮ ﻣﻮﺯﻭﮞ ﺍﻟﻔﺎﻅ ﻧﮩﯿﮟ ﻣﻠﺘﮯ، ﻧﮧ ﮨﯽ ﻧﺎﺭﻭﺍ ﺗﻨﻘﯿﺪ ﻣﻠﺘﯽ ﮨﮯ۔ﺳﺎﺣﺮ ؔﮐﯽ ﻟﻔﻈﯿﺎﺕ ﻣﯿﮟ ﻋﺎﻡ ﻃﻮﺭ ﭘﺮ ﻓﺎﺭﺳﯽ ﺍﻭﺭ ﮨﻨﺪﯼ ﺍﻟﻔﺎﻅ ﮐﺎ ﻣﺘﻮﺍﺯﻥ ﺍﻣﺘﺰﺍﺝ ﻣﻠﺘﺎ ﮨﮯ ‘‘ ۔ﺳﺎﺣﺮ ﺍﭘﻨﯽ ﺷﺎﻋﺮﯼ ﮐﮯ ﺣﻮﺍﻟﮯ ﺳﮯ ﻟﻮﮔﻮﮞ ﮐﮯ ﺩﻟﻮﮞ ﮐﻮ ﻇﻠﻢ ﻭﺗﺸﺪﺩ ﮐﮯ ﺧﻼﻑ ﺍﭨﮫ ﮐﮭﮍ ﺍ ﮨﻮ ﻧﮯ ﮐﯽ ﺗﺮﻏﯿﺐ ﺩﯾﺘﮯ ﮨﯿﮟ۔ ﺍﻧﮩﻮﮞ ﻧﮯ ﺍﭘﻨﯽ ﺷﺎﻋﺮﯼ ﻣﯿﮟ ﻋﺸﻘﯿﮧ ﺭﻧﮓ ﮐﯽ ﺍٓﻣﯿﺰﺵ ﮐﺮﮐﮯ ﺍﺳﮯ ﻣﺰﯾﺪﺩﻟﭽﺴﭗ ﺍﻭﺭ ﺩﻟﮑﺶ ﺑﻨﺎ ﺩﯾﺎ ﮨﮯ ۔ﺳﺎﺣﺮ ؔﺷﺎﻋﺮﯼ ﮐﯽ ﻓﻄﺮﯼ ﺻﻼﺣﯿﺖ ﺍﻭﺭ ﺑﮯ ﺩﺭﯾﻎ ﻗﻮﺕ ﻟﮯ ﮐﺮ ﺍٓﺋﮯ ﺗﮭﮯ ، ﻭﮦ ﭼﺎﮨﮯ ﻏﺰﻝ ﮐﮩﯿﮟ ﯾﺎ ﻧﻈﻢ ﮨﺮ ﺣﺎﻝ ﻣﯿﮟ ﺷﺎﻋﺮﯼ ﮐﺎ ﭘﻮﺭﺍ ﺣﻖ ﺍﺩﺍ ﮐﺮﺗﮯ ﻧﻈﺮ ﺁﺗﮯ ﮨﯿﮟ ۔ﺳﺎﺣﺮ ﮐﯽ ﻏﺰﻟﻮﮞ ﻣﯿﮟ ﻓﮑﺮ ﺍﻭﺭ ﻧﻈﺮ ﮐﯽ ﻭﮨﯽ ﺧﻮﺑﯿﺎﮞﺪﮐﮭﺎﺋﯽ ﺩﯾﺘﯽ ﮨﯿﮟ ﺟﻮ ﺍﻥ ﮐﯽ ﻧﻈﻤﻮﮞ ﻣﯿﮟ ﮐﺎﺭ ﻓﺮﻣﺎ ﮨﯿﮟ ﺍﻭﺭ ﯾﮧ ﮨﺮ ﻟﻤﺤﮧ ﺍﭘﻨﯽ ﺗﺎﺯﮔﯽ ﺍﻭﺭ ﺗﻮﺍﻧﺎﺋﯽ ﮐﺎ ﺍﺣﺴﺎﺱ ﺩﻻﺗﯽ ﺭﮨﺘﯽ ﮨﯿﮟ۔ﻏﺰﻟﯿﮟ ﺑﮭﯽ ﻧﻈﻤﻮﮞ ﮐﯽ ﻃﺮﺡ ﺩﻗﯿﻊ ﮨﯿﮟ ،ﻭﮦ ﺍﺭﺩﻭ ﮐﮯ ﺳﺎﺗﮫ ﺳﺎﺗﮫ ﺩﯾﮕﺮ ﺯﺑﺎﻧﻮﮞ ﮐﯽ ﻟﻔﻈﯿﺎﺕ ﮐﮯ ﺍﻧﺴﻼﮎ ﺳﮯ ﺍﭘﻨﯽ ﺷﺎﻋﺮﯼ ﻣﯿﮟ ﺗﺎﺛﯿﺮ ﮐﺎﺭﻧﮓ ﺑﮭﺮﻧﮯ ﮐﺎ ﮨﻨﺮ ﺟﺎﻧﺘﮯ ﺗﮭﮯ ﺍﻭﺭ ﺍﺳﯽ ﺧﻮﺑﯽ ﮐﮯ ﺳﺒﺐ ﻭﮦ ﺍﭘﻨﮯ ﻣﻌﺎﺻﺮ ﺷﻌﺮﺍ ﻣﯿﮟ ﻣﻨﻔﺮﺩ ﻗﺮﺍﺭ ﺩﺋﯿﮯ ﺟﺎﺗﮯ ﺗﮭﮯ۔ ﺳﺎﺣﺮؔ ﻧﮯ ﺍﭘﻨﯽ ﺍﺑﺘﺪﺍﺋﯽ ﺯﻧﺪﮔﯽ ﺳﮯ ﺟﻦ ﻣﺠﺮﻭﺡ ﺍﺣﺴﺎﺳﺎﺕ ﮐﮯ ﺳﺎﺗﮫ ﺯﻧﺪﮔﯽ ﮔﺰﺍﺭﯼ ﮨﮯ ﺍُﺱ ﻧﮯ ﺳﺎﺣﺮؔ ﮐﯽ ﺷﺨﺼﯿﺖ ﺍﻭﺭ ﺷﺎﻋﺮﯼ ﺩﻭﻧﻮﮞ ﭘﺮ ﮔﮩﺮﮮ ﺍﺛﺮﺍﺕ ﻣﺮﺗﺐ ﮐﯿﮯ ۔ﺫﺍﺗﯽ ﺯﻧﺪﮔﯽ ﮐﯽ ﻣﺤﺮﻭﻣﯿﻮﮞ، ﺷﮑﺴﺘﻮﮞ ﺍﻭﺭ ﺍﻟﺠﮭﻨﻮﮞ ﻧﮯ ﺳﺎﺣﺮؔ ﮐﻮﺍﺱ ﻗﺪﺭ ﭘﮕﮭﻼ ﺩﯾﺎ ﺗﮭﺎ ﮐﮧ ﺍﻥ ﻣﯿﮟ ﺻﺮﻑ ﺍﺣﺴﺎﺱ ﮨﯽ ﺑﺎﻗﯽ ﺭﮦ ﮔﯿﺎ ﺗﮭﺎ ﺟﺲ ﮐﮯ ﺗﺎﺭ ﮐﺴﯽ ﻣﺪﮬﻢ ﺳﯽ ﺗﺤﺮﯾﮏ ﺳﮯ ﺟﮭﻨﺠﮭﻨﺎ ﺍﭨﮭﺘﮯ ﺗﮭﮯ ﺟﺲ ﮐﮯ ﻧﺘﯿﺠﮯ ﻣﯿﮟ ﻭﮦ ﮨﺮ ﻗﺴﻢ ﮐﯽ ﻧﺎﺍﻧﺼﺎﻓﯽ ﮐﮯ ﺻﺪﺍﮮ ﺍﺣﺘﺠﺎﺝ ﺑﻠﻨﺪ ﮐﺮﻧﮯ ﻟﮕﺘﮯ ﺗﮭﮯ ۔ﺍﻥ ﮐﯽ ﺷﺎﻋﺮﯼ ﺯﻧﺪﮔﯽ ﮐﮯ ﺗﺠﺮﺑﺎﺕ ﺍﻭﺭ ﮔﮭﺮﯾﻠﻮﺣﺎﻻﺕ ﺳﮯ ﻣﺘﺎﺛﺮ ﮨﮯ،ﺍﻧﮩﻮﮞ ﻧﮯ ﺧﻮﺩ ﮐﮩﺎ ﮨﮯ ؎

ﺩﻧﯿﺎ ﻧﮯ ﺗﺠﺮﺑﺎﺕ ﻭﺣﻮﺍﺩﺙ ﮐﯽ ﺷﮑﻞ ﻣﯿﮟ

ﺟﻮ ﮐﭽﮫ ﺩﯾﺎ ﮨﮯ ﻣﺠﮫ ﮐﻮﻭﮦ ﻟﻮﭨﺎ ﺭﮨﺎ ﮨﻮﮞ ﻣﯿﮟ

ﺟﮩﺎﮞ ﺗﮏ ﺳﺎﺣﺮؔ ﮐﮯ ﻣﺬﮨﺒﯽ ﻧﻈﺮﯾﺎﺕ ﮐﺎ ﺗﻌﻠﻖ ﮨﮯ ﺗﻮ ﻭﮦ ﻣﺬﮨﺐ ﺳﮯ ﺑﮯ ﮔﺎﻧﮧ ﺍﻧﺴﺎﻥ ﺗﮭﺎ،ﻣﻠﺤﺪﺍﻧﮧ ﺧﯿﺎﻻﺕ، ﺑﺎﻏﯿﺎﻧﮧ ﺍﻓﮑﺎﺭ ﺍﻭﺭ ﮐﻤﯿﻮﻧﺴﭧ ﺫﮨﻨﯿﺖ ﻧﮯ ﺍﺳﮯ ﻣﺬﮨﺐ ﺳﮯ ﺑﮭﯽ ﺑﻐﺎﻭﺕ ﭘﺮ ﺍٓﻣﺎﺩﮦ ﮐﺮ ﺩﯾﺎ ﺗﮭﺎﮐﯿﻮﻧﮑﮧ ﺍﺱ ﻧﮯ ﺍﯾﺴﮯ ﻣﺎﺣﻮﻝ ﻣﯿﮟ ﭘﺮﻭﺭﺵ ﭘﺎﺋﯽ ﺗﮭﯽ ﺟﮩﺎﮞ ﻣﺬﮨﺒﯽ ﺍﻗﺪﺍﺭ ﮐﺎ ﻓﻘﺪﺍﻥ ﺗﮭﺎ۔ﺟﺐ ﺍﺱ ﮐﺎ ﺷﻌﻮﺭ ﭘﺨﺘﮧ ﮨﻮﺍ ﺗﻮ ﺍﺱ ﮐﮯ ﺍﺭﺩ ﮔﺮﺩ ﮐﻤﯿﻮﻧﺴﭧ ﺍﺣﺒﺎﺏ ﮐﺎ ﺣﻠﻘﮧ ﺗﮭﺎﻟﯿﮑﻦ ﻣﺬﮨﺐ ﺳﮯ ﺑﯿﮕﺎﻧﮕﯽ ﮐﮯ ﺑﺎﻭﺟﻮﺩﺍﺱ ﮐﮯ ﺩﻝ ﻣﯿﮟ ﺍﻧﺴﺎﻧﯿﺖ ﮐﺎ ﺍﺣﺘﺮﺍﻡ ﺍﻭﺭ ﺩﺭﺩ ﺗﮭﺎ،ﻭﮦ ﺩﻧﯿﺎ ﻣﯿﮟ ﺍﻣﻦ ﭼﺎﮨﺘﺎ ﺗﮭﺎ ،ﻭﮦ ﺍٓﻧﮯ ﻭﺍﻟﮯ ﺣﺎﺩﺛﺎﺕ ﺳﮯ ﺧﻮﻓﺰﺩﮦ ﺗﮭﺎ ، ﺍﺳﯽ ﻟﺌﮯ ﭘﺮﯾﻢ ﮐﯽ ﺟﻮﺕ ﺟﮕﺎﻧﺎ ﭼﺎﮨﺘﺎ ﺗﮭﺎ۔ﺍﺱ ﻧﮯ ﺍﻧﺴﺎﻧﯿﺖ ﺍﻭﺭ ﻣﺤﺒﺖ ﮐﯽ ﺗﺒﻠﯿﻎ ﮐﻮ ﺍﭘﻨﯽ ﺯﻧﺪﮔﯽ ﮐﺎ ﻣﻘﺼﺪ ﺑﻨﺎ ﻟﯿﺎ ﺗﮭﺎ،ﻭﮦ ﺍﻣﻦ ﻋﺎﻟﻢ ﮐﺎ ﺧﻮﺍﮨﺎﮞ ﺗﮭﮯ ﺟﺲ ﮐﯽ ﺗﮑﻤﯿﻞ ﮐﮯ ﻟﯿﮯ ﺳﺎﺣﺮؔ ﮐﺎ ﻋﻘﯿﺪﮦ ﺗﮭﺎ ﮐﮧ ﺟﻨﮓ ﻭ ﺟﺪﺍﻝ ﮐﯽ ﭼﻨﺪﺍﮞ ﺿﺮﻭﺭﺕ ﻧﮩﯿﮟ ؂

ﺟﻨﮓ ﺗﻮ ﺧﻮﺩ ﮨﯽ ﺍﮎ ﻣﺴﺌﻠﮧ ﮨﮯ

ﺟﻨﮓ ﮐﯿﺎ ﻣﺴﺌﻠﻮﮞ ﮐﺎ ﺣﻞ ﺩﮮ ﮔﯽ

ﮐﯿﻮﮞ ﮐﮧ ﺳﺎﺣﺮؔ ﮐﯽ ﻧﻈﺮ ﻣﯿﮟ ؂

ﺧﻮﻥ ﺍﭘﻨﺎ ﮨﻮ ﯾﺎ ﭘﺮﺍﯾﺎ ﮨﻮ

ﻧﺴﻞ ﺍٓﺩﻡ ﮐﺎ ﺧﻮﻥ ﮨﮯ ﺍٓﺧﺮ

ﺟﻨﮓ ﻣﺸﺮﻕ ﻣﯿﮟ ﮨﻮ ﮐﮧ ﻣﻐﺮﺏ ﻣﯿﮟ

ﺍﻣﻦ ﻋﺎﻟﻢ ﮐﺎ ﺧﻮﻥ ﮨﮯ ﺍٓﺧﺮ

ﺍﺳﯽ ﻟﯿﮯ ﺳﺎﺣﺮؔ ﺍﻥ ﻟﻮﮔﻮﮞ ﮐﻮ ﺟﻮ ﺷﺮﺍﻓﺖ ﮐﺎ ﻟﺒﺎﺩﮦ ﺍﻭﮌﮬﮯ ﭘﻮﺭﯼ ﺩﻧﯿﺎ ﮐﻮ ﺟﻨﮓ ﮐﯽ ﺑﮭﭩﯽ ﻣﯿﮟ ﺟﮭﻮﻧﮏ ﺩﯾﻨﺎ ﭼﺎﮨﺘﮯ ﮨﯿﮟ ، ﺑﮍﮮ ﺩﻝ ﮐﺶ ﺍﻧﺪﺍ ﺯ ﻣﯿﮟ ﮐﮩﺘﮯ ﮨﯿﮟ ﮐﮧ ؎

ﺍﺱ ﻟﯿﮯ ﺍﮮ ﺷﺮﯾﻒ ﺍﻧﺴﺎﻧﻮ !

ﺟﻨﮓ ﭨﻠﺘﯽ ﺭﮨﮯ ﺗﻮ ﺑﮩﺘﺮ ﮨﮯ

ﺍٓﭖ ﺍﻭﺭ ﮨﻢ ﺳﺒﮭﯽ ﮐﮯ ﺍٓﻧﮕﻦ ﻣﯿﮟ

ﺷﻤﻊ ﺟﻠﺘﯽ ﺭﮨﮯ ﺗﻮ ﺑﮩﺘﺮ ﮨﮯ

ﺳﺎﺣﺮ ﮐﯽ ﺷﺎﻋﺮﯼ ﮐﺎ ﻣﺤﻮﺭﺍﺣﺘﺮﺍﻡِ ﺍﻧﺴﺎﻧﯿﺖ ﮐﺎ ﻓﺮﻭﻍ ﮨﮯ،ﺍﺱ ﮐﮯ ﻓﻠﻤﯽ ﮔﯿﺘﻮﮞ ﮐﺎ ﻣﺮﮐﺰﯼ ﺧﯿﺎﻝ ﺑﮭﯽ ﮐﻢ ﻭ ﺑﯿﺶ ﯾﮩﯽ ﮨﮯ۔ﺍﺱ ﻧﮯ ﻓﻠﻤﯽ ﻧﻐﻤﮧ ﻧﮕﺎﺭﯼ ﮐﻮ ﺍﺩﺏ ﺳﮯ ﮨﻢ ﺭﺷﺘﮧ ﮐﯿﺎ ،ﯾﮧ ﺳﺎﺣﺮؔ ﮐﺎ ﺑﮩﺖ ﺑﮍﺍ ﮐﺎﺭﻧﺎﻣﮧ ﮨﮯ ۔ﺟﮩﺎﮞ ﺗﮏ ﺑﺎﻟﯽ ﻭﻭﮈ ﻣﯿﮟ ﺍﺭﺩﻭ ﺷﺎﻋﺮﯼ ﮐﺎ ﺗﻌﻠﻖ ﮨﮯ ﺗﻮ ﺍٓﺭﺯﻭؔ ﻟﮑﮭﻨﻮﯼ ﮐﮯ ﺑﻌﺪ ﺳﺎﺣﺮ ؔﺍﻭﺭ ﻣﺠﺮﻭﺡؔ ﮨﯽ ﺗﮭﮯ ﺟﻮ ﺍﭘﻨﯽ ﻓﻠﻤﯽ ﺷﺎﻋﺮﯼ ﻣﯿﮟ ﺑﮭﯽ ﺍﭘﻨﮯ ﺍﺩﺑﯽ ﺍٓﮨﻨﮓ ﺍﻭﺭ ﻃﻤﻄﺮﺍﻕ ﮐﻮ ﺑﺮﻗﺮﺍﺭ ﺭﮐﮭﻨﮯ ﻣﯿﮟ ﮐﺎﻣﯿﺎﺏ ﺭﮨﮯ ﺍﻭﺭ ﺍﭘﻨﮯ ﻓﻦ ﮐﻮ ﻓﻠﻤﯽ ﺩﻧﯿﺎ ﮐﯽ ﻧﺬﺭ ﻧﮩﯿﮟ ﮨﻮﻧﮯ ﺩﯾﺎ۔ﺳﺎﺣﺮ ﺟﺐ ﻻﮨﻮﺭ ﺳﮯ ﺑﻤﺒﺌﯽ ﺍٓﺋﮯ ﺗﻮ ﻣﺠﺎﺯؔ ﻓﻠﻤﯽ ﺩﻧﯿﺎ ﺳﮯ ﻣﺎﯾﻮﺱ ﮨﻮ ﮐﺮ ﻭﺍﭘﺲ ﺟﺎ ﭼﮑﮯ ﺗﮭﮯ۔ﺟﺎﮞ ﻧﺜﺎﺭ ﺍﺧﺘﺮؔ،ﮐﯿﻔﯽؔ ﺍﻋﻈﻤﯽ ﻭﻏﯿﺮﮦ ﮐﻮ ﻣﺤﺪﻭﺩ ﮐﺎﻣﯿﺎﺑﯽ ﻣﻠﯽ ﺗﮭﯽ، ﺣﺴﺮﺕ ؔﺟﮯ ﭘﻮﺭﯼ ﺍﻭﺭ ﺭﺍﺟﮧ ﻣﮩﺪﯼ ﻋﻠﯽ ﺧﺎﮞ ﮐﺎ ﺑﺎﺯﺍﺭ ﭨﮭﻨﮉﺍ ﭘﮍ ﭼﮑﺎ ﺗﮭﺎ،ﺷﮑﯿﻞ ؔﺑﺪﺍﯾﻮﻧﯽ ﺍﻭﺭ ﺭﺍﺟﻨﺪﺭ ؔﮐﺮﺷﻦ ﮐﻮ ﺳﺎﺣﺮ ؔﺳﮯ ﺳﺨﺖ ﻣﺴﺎﺑﻘﺖ ﮐﺎ ﺳﺎﻣﻨﺎ ﺗﮭﺎ،ﺳﺎﺣﺮؔ ﮐﯽ ﻓﻠﻤﯽ ﺷﺎﻋﺮﯼ ﺍِﻥ ﺷﻌﺮﺍ ﺳﮯ ﻗﺪﺭﮮ ﺁﮔﮯ ﺗﮭﯽ۔

ﺟﺬﺑﺎﺕ ﻭ ﺍﺣﺴﺎﺳﺎﺕ ﮐﻮ ﭼﮭﻮ ﻟﯿﻨﮯ ﮐﯽ ﻃﺎﻗﺖ ﺭﮐﮭﻨﮯ ﻭﺍﻟﯽ ﺳﺎﺣﺮ ﮐﯽ ﺷﺎﻋﺮﯼ ﮐﻮ ﻋﺎﻡ ﻃﻮﺭ ﭘﺮ ﻟﻮﮒ ﯾﮧ ﺳﻤﺠﮫ ﮐﺮ ﻧﻈﺮ ﺍﻧﺪﺍﺯ ﺑﮭﯽ ﮐﺮﺗﮯ ﮨﯿﮟ ﮐﮧ ﺍﻧﮭﻮﮞ ﻧﮯ ﻓﻠﻤﻮﮞ ﮐﮯ ﻟﯿﮯ ﻧﻐﻤﮯ ﻟﮑﮭﮯ ﮨﯿﮟ ۔ ﻟﯿﮑﻦ ﯾﮧ ﺑﺎﺕ ﺑﮭﻮﻝ ﺟﺎﺗﮯ ﮨﯿﮟ ﮐﮧ ﺍﻥ ﮐﯽ ﺷﮩﺮﺕ ﻓﻠﻤﻮﮞﻤﯿﮟ ﻧﻐﻤﮯ ﻟﮑﮭﻨﮯ ﺳﮯ ﻗﺒﻞ ﮨﯽ ﻋﻮﺍﻡ ﺗﮏ ﭘﮩﻨﭻ ﭼﮑﯽ ﺗﮭﯽ ﮨﺎﮞ ! ﻓﻠﻤﯽ ﻧﻐﻤﮧ ﻧﮕﺎﺭﯼ ﺳﮯ ﺍﻥ ﮐﯽ ﺷﺎﻋﺮﯼ ﮐﻮ ﮐﮩﯿﮟ ﻧﻘﺼﺎﻥ ﻧﮩﯿﮟ ﭘﮩﻨﭽﺎ ﺍﻧﮭﻮﮞ ﻧﮯ ﺍﺱ ﻣﯿﺪﺍﻥ ﻣﯿﮟ ﻗﺪﻡ ﺭﮐﮭﺘﮯ ﮨﻮﺋﮯ ﺑﮭﯽ ﺍﭘﻨﮯ ﻧﺼﺐ ﺍﻟﻌﯿﻦ ﯾﻌﻨﯽ ﺍﺣﺘﺮﺍﻡِ ﺍﻧﺴﺎﻧﯿﺖ ﮐﮯ ﺍﻇﮩﺎﺭﯾﮯﺳﮯ ﮔﺮﯾﺰ ﻧﮩﯿﮟ ﮐﯿﺎ ۔ﺳﺎﺣﺮؔ ﻧﮯ ﻓﻠﻤﯽ ﻧﻐﻤﻮﮞ ﮐﻮ ﺑﮭﯽ ﺍﯾﮏ ﻣﻌﯿﺎﺭ ﻋﻄﺎ ﮐﯿﺎ ۔ ﺳﺎﺣﺮؔ ﮐﮯ ﻓﻠﻤﯽ ﮔﯿﺖ ﮐﺎ ﺻﺮﻑ ﺍﯾﮏ ﺑﻨﺪ ﻣﻼﺣﻈﮧ ﮐﺮﯾﮟ ﺟﺲ ﻣﯿﮟ ﺍﻥ ﮐﺎ ﺍﻧﺴﺎﻧﯿﺖ ﺳﮯ ﮔﮩﺮﺍ ﺭﺷﺘﮧ ﺻﺎﻑ ﺟﮭﻠﮑﺘﺎ ﺩﮐﮭﺎﺋﯽ ﺩﯾﺘﺎ ﮨﮯ ؂

ﻣﺎﻟﮏ ﻧﮯ ﮨﺮ ﺍﻧﺴﺎﻥ ﮐﻮ ﺍﻧﺴﺎﻥ ﺑﻨﺎﯾﺎ

ﮨﻢ ﻧﮯ ﺍﺳﮯ ﮨﻨﺪﻭ ﯾﺎ ﻣﺴﻠﻤﺎﻥ ﺑﻨﺎﯾﺎ

ﻗﺪﺭﺕ ﻧﮯ ﺗﻮ ﺑﺨﺸﯽ ﺗﮭﯽ ﮨﻤﯿﮟ ﺍﯾﮏ ﮨﯽ ﺩﮬﺮﺗﯽ

ﮨﻢ ﻧﮯ ﮐﮩﯿﮟ ﺑﮭﺎﺭﺕ ﮐﮩﯿﮟ ﺍﯾﺮﺍﻥ ﺑﻨﺎﯾﺎ

ﺳﺎﺣﺮ ﮐﯽ ﻓﻠﻤﯽ ﺷﺎﻋﺮﯼ ﮨﻮ ﯾﺎ ﺳﻨﺠﯿﺪﮦ ﮨﺮ ﺟﮕﮧ ﺍﻥ ﮐﮯ ﻓﻦ ﮐﺎ ﺍﺣﺘﺠﺎﺟﯽ ﻃﻤﻄﺮﺍﻕ ﻣﻮﺟﻮﺩﮨﮯ ۔ ﺳﺎﺣﺮؔ ﮐﮯ ﺣﻮﺍﻟﮯ ﺳﮯ ﯾﮧ ﮐﮩﺎ ﺟﺎ ﺳﮑﺘﺎﮨﮯ ﮐﮧ ﺍﻧﮭﻮﮞ ﻧﮯ ﺗﻘﺮﯾﺒﺎً ﺍﭘﻨﮯ ﻋﮩﺪ ﮐﮯ ﺗﻤﺎﻡ ﻣﻮﺿﻮﻋﺎﺕ ﮐﻮ ﺍﭘﻨﯽ ﺷﺎﻋﺮﯼ ﻣﯿﮟ ﺳﻤﻮﻧﮯ ﮐﯽ ﮐﻮﺷﺶ ﮐﯽ ﮨﮯ ﻣﮕﺮ ﮐﮩﯿﮟ ﺑﮭﯽ ﻓﻦ ﺳﮯ Compromise ﻧﮩﯿﮟ ﮐﯿﺎ ۔ ﺍﻥ ﮐﺎ ﻓﻨﯽ ﺷﻌﻮﺭ ﺑﮩﺖ ﺑﺎﻟﯿﺪﮦ ﺍﻭﺭ ﺟﻤﺎﻟﯿﺎﺕ ﮐﺎ ﺣﺎﻣﻞ ﮨﮯ ﺍﻧﮭﻮﮞ ﻧﮯ ﺗﺮﻗﯽ ﭘﺴﻨﺪ ﻋﮩﺪ ﮐﮯ ﺷﻌﺮﺍ ﺀ ﮐﺎ ﻋﻤﻮﻣﯽ ﻟﮩﺠﮧ ﮐﺒﮭﯽ ﺍﺧﺘﯿﺎﺭ ﻧﮩﯿﮟ ﮐﯿﺎ ﻧﺮﻣﯿﺖ ﻭﻣﻼﺋﻤﯿﺖ ﺍﻥ ﮐﮯ ﺍﺳﻠﻮﺏ ﮐﯽ ﺍﮨﻢ ﺧﻮﺑﯽ ﮨﮯ ۔ﻭﮦ ﺟﻨﮓ ﮐﯽ ﺑﺎﺕ ﮐﺮﯾﮟ ﯾﺎ ﺯﻣﺎﻧﮯ ﮐﮯ ﮐﺮﺏ ﻭﺍﻧﺘﺸﺎﺭ ، ﯾﺎ ﻣﺤﮑﻮﻣﯽ ﺍﻭﺭ ﺍﺳﺘﺤﺼﺎﻝ ﮐﯽ ﺍﻥ ﮐﮯ ﻟﮩﺠﮯ ﻣﯿﮟ ﮐﺮﺧﺘﮕﯽ ﻧﮩﯿﮟ ﺁﺗﯽ ۔ﺍﻥ ﮐﮯ ﺍﺷﻌﺎﺭ ﻓﻨﯽ ﺭﮐﮫ ﺭﮐﮭﺎﻭ ﮐﮯ ﺳﺎﺗﮫ ﺳﺎﺗﮫ ﺍﺩﺑﯽ ﻗﺪﺭﻭ ﻗﯿﻤﺖ ﮐﮯ ﺣﺎﻣﻞ ﮨﻮﺗﮯ ﮨﯿﮟ ۔ﺍﺳﯽ ﻟﯿﮯ ﮐﮩﺎ ﺟﺎﺗﺎ ﮨﮯ ﮐﮧ ﺳﺎﺣﺮ ؔﮐﺎ ﺗﻌﻠﻖ ﺍﮔﺮ ﺗﮩﺬﯾﺒﯽ ﺍﻭﺭ ﺛﻘﺎﻓﺘﯽ ﺍﻗﺪﺍﺭ ﺳﮯ ﮨﮯ ﺗﻮ ﻓﻨﯽ ﺍﻭﺭ ﺟﻤﺎﻟﯿﺎﺗﯽ ﺍﻗﺪﺍﺭ ﮐﮯ ﻋﻠﻤﺒﺮﺩﺍﺭﻭﮞ ﻣﯿﮟ ﺳﮯﺑﮭﯽ ﻭﮦ ﺍﯾﮏ ﮨﯿﮟ ؂

ﺟﻮﺍﻥ ﺭﺍﺕ ﮐﮯ ﺳﯿﻨﮯ ﭘﮧ ﺩﻭﺩﮬﯿﺎ ﺁﻧﭽﻞ

ﻣﭽﻞ ﺭﮨﺎ ﮨﮯ ﮐﺴﯽ ﺧﻮﺍﺏِ ﻣﺮﻣﺮﯾﮟ ﮐﯽ ﻃﺮﺡ

ﺣﺴﯿﻦ ﭘﮭﻮﻝ، ﺣﺴﯿﮟ ﭘﺘﯿﺎﮞ، ﺣﺴﯿﮟ ﺷﺎﺧﯿﮟ

ﻟﭽﮏ ﺭﮨﯽ ﮨﯿﮟ ﮐﺴﯽ ﺟﺴﻢِ ﻧﺎﺯﻧﯿﮟ ﮐﯽ ﻃﺮﺡ

ﺳﺎﺣﺮ ﮐﺎ ﮐﻤﺎﻝ ﯾﮧ ﮨﮯﮐﮧ ﺍﻧﮭﻮﮞ ﻧﮯ ﺍﺱ ﺍﻧﺘﺸﺎﺭ ﮐﮯ ﻋﮩﺪ ﻣﯿﮟ ﺍﭘﻨﯽ ﺷﺎﻋﺮﯼ ﮐﻮ ﻧﻌﺮﮦ ﺑﺎﺯﯼ ﺳﮯ ﺑﭽﺎ ﻟﯿﺎ ﺟﺐ ﺑﻠﻨﺪ ﺁﮨﻨﮕﯽ ﻭﻗﺖ ﮐﯽ ﺿﺮﻭﺭﺕ ﺑﮭﯽ ﺗﮭﯽ ﺍﻭﺭ ﻋﮩﺪ ﮐﺎ ﺭﻭﯾﮧ ﺍﻭﺭ ﺭﺟﺤﺎﻥ ﺑﮭﯽ ۔ ﺍﻧﮭﻮﮞ ﻧﮯ ﺍﭘﻨﮯ ﺷﻌﺮﯼ ﺍﻇﮩﺎﺭﯾﮯ ﻣﯿﮟ ﺟﺬﺑﮧٔ ﺍﺣﺘﺮﺍﻡِ ﺍﻧﺴﺎﻧﯿﺖ ﮐﻮ ﮨﻤﯿﺸﮧ ﺧﻮﺵ ﺍﺳﻠﻮﺑﯽ ﺳﮯ ﺑﺮﺗﺎ ۔ﺑﺠﺎﺋﮯ ﺍﺱ ﮐﮯ ﮐﮧ ﻣﯿﮟ ﺍﻥ ﮐﯽ ﺷﺎﻋﺮﯼ ﭘﺮ ﺗﺒﺼﺮﮦ ﮐﺮﻭﮞ ﭼﻨﺪ ﻣﺜﺎﻟﯿﮟ ﭘﯿﺶ ﮐﺮﺗﺎ ﮨﻮﮞ ﺗﺎﮐﮧ ﺁﭖ ﺧﻮﺩ ﮨﯽ ﺗﺠﺰﯾﮧ ﮐﺮ ﺳﮑﯿﮟ ؂

ﭼﺮﻭﺍﮨﯿﺎﮞ ﺭﺳﺘﮧ ﺑﮭﻮﻝ ﮔﺌﯿﮟ، ﭘﻨﮩﺎﺭﯾﺎﮞ ﭘﻨﮕﮭﭧ ﭼﮭﻮﮌ ﮔﺌﯿﮟ

ﮐﺘﻨﯽ ﮨﯽ ﮐﻨﻮﺍﺭﯼ ﺍﺑﻼﺋﯿﮟ ، ﻣﺎﮞ ﺑﺎﭖ ﮐﯽ ﭼﻮﮐﮭﭧ ﭼﮭﻮﮌ ﮔﺌﯿﮟ

ﺍﻓﻼﺱ ﺯﺩﮦ ﺩﮨﻘﺎﻧﻮﮞ ﮐﮯ ﮨﻞ ﺑﯿﻞ ﺑِﮑﮯ ، ﮐﮭﻠﯿﺎﻥ ﺑِﮑﮯ

ﺟﯿﻨﮯ ﮐﯽ ﺗﻤﻨﺎ ﮐﮯ ﮨﺎﺗﮭﻮﮞ ﺟﯿﻨﮯ ﮨﯽ ﮐﮯﺳﺐ ﺳﺎﻣﺎﻥ ﺑِﮑﮯ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ﻋﺼﻤﺘﯿﮟ ﺳﺮ ﺑﺮﮨﻨﮧ ﭘﺮﯾﺸﺎﻥ ﮨﯿﮟ

ﮨﺮ ﻃﺮﻑ ﺷﻮﺭ ﺁﮦ ﻭ ﺑﮑﺎ ﮨﮯ

ﺍﻭﺭ ﻣﯿﮟ ﺍﺱ ﺗﺒﺎﮨﯽ ﮐﮯ ﻃﻮﻓﺎﻥ ﻣﯿﮟ

ﺁﮒ ﺍﻭﺭﺧﻮﻥ ﮐﮯ ﮨﯿﺠﺎﻥ ﻣﯿﮟ

ﺳﺮ ﻧﮕﻮﮞ ﺍﻭﺭ ﺷﮑﺴﺘﮧ ﻣﮑﺎﻧﻮﮞ ﮐﮯ ﻣﻠﺒﮯ ﺳﮯ ﭘُﺮ ﺭﺍﺳﺘﻮﮞ ﭘﺮ

ﺍﭘﻨﮯ ﻧﻐﻤﮯ ﮐﯽ ﺟﮭﻮﻟﯽ ﭘﺴﺎﺭﮮ

ﺩﺭ ﺑﮧ ﺩﺭ ﭘﮭﺮ ﺭﮨﺎﮨﻮﮞ

ﻣﺠﮫ ﮐﻮ ﺍﻣﻦ ﺍﻭﺭ ﺗﮩﺬﯾﺐ ﮐﯽ ﺑﮭﯿﮏ ﺩﮮﺩﻭ

ﺳﺎﺣﺮؔ ﻟﺪﮬﯿﺎﻧﻮﯼ ﮐﺎ ﺍﺭﺩﻭ ﺯﺑﺎﻥ ﺳﮯ ﺍﯾﮏ ﺟﺬﺑﺎﺗﯽ ﺭﺷﺘﮧ ﮨﮯ ﺍﻭﺭ ﯾﮧ ﺭﺷﺘﮧ ﻏﯿﺮ ﻣﺸﺮﻭﻁ ﮨﮯ۔ﺍﺱ ﮐﺎ ﺍﻧﺪﺍﺯﮦ ﺍﺱ ﺑﺎﺕ ﺳﮯ ﻟﮕﺎﯾﺎ ﺟﺎ ﺳﮑﺘﺎ ﮨﮯ ﮐﮧ ﺟﺐ ﺍﯾﮏ ﺑﺎﺭﺷﮑﯿﻞؔ ﺑﺪﺍﯾﻮﻧﯽ ﻧﮯ ﯾﮧ ﮐﮩﺎ ﮐﮧ ﻓﻠﻤﻮﮞ ﮐﮯ ﮔﯿﺘﻮﮞ ﮐﻮ ﺍٓﭖ ﺍﺭﺩﻭ ﻧﮩﯿﮟ ﮐﮩﮧ ﺳﮑﺘﮯ ﮐﯿﻮﻧﮑﮧ ﺍﺱ ﻣﯿﮟ ﺑﮩﺖ ﺳﮯ ﮨﻨﺪﯼ ﺑﺮﺝ ﺍﻭﺭ ﮐﮭﮍﯼ ﺑﻮﻟﯽ ﮐﮯ ﺍﻟﻔﺎﻅ ﮐﺎ ﺍﺳﺘﻌﻤﺎﻝ ﮐﯿﺎ ﮔﯿﺎ ﮨﮯ۔ﺗﻮ ﺳﺎﺣﺮؔ ﻧﮯ ﮐﮩﺎ ﮐﮧ ﻓﻠﻤﯽ ﮔﯿﺘﻮﮞ ﮐﯽ ﺯﺑﺎﻥ ﺻﺮﻑ ﺍﺭﺩﻭ ﮨﮯ ﺍﻭﺭ ﺟﻮ ﺩﯾﮕﺮ ﺯﺑﺎﻧﻮﮞ ﮐﮯ ﺍﻟﻔﺎﻅ ﺍﺱ ﻣﯿﮟ ﺩﺍﺧﻞ ﮨﻮ ﮔﺌﮯ ﮨﯿﮟ ﻭﮦ ﺍﺭﺩﻭ ﮐﯽ ﻣﻠﮑﯿﺖ ﮨﻮ ﮔﺌﮯ ﮨﯿﮟ ﺍﻭﺭ ﺍﺱ ﭘﺮ ﮐﺴﯽ ﺍﻭﺭ ﺯﺑﺎﻥ ﮐﺎ ﭨﮭﭙﮧ ﻟﮕﺎﻧﺎ ﻧﺎﺍﻧﺼﺎﻓﯽ ﮨﻮ ﮔﯽ۔ﺳﺎﺣﺮؔ ﮐﯽ ﺍﺭﺩﻭ ﺯﺑﺎﻥ ﺳﮯ ﻭﻓﺎﺩﺍﺭﯼ ﺻﺮﻑ ﺯﺑﺎﻧﯽ ﺟﻤﻊ ﺧﺮﭺ ﺗﮏ ﻧﮩﯿﮟ ﺗﮭﯽ ﺑﻠﮑﮧ ﺍﺱ ﮐﮯ ﻟﺌﮯ ﺍﻧﮩﻮﮞ ﻧﮯ ﻋﻤﻠﯽ ﻗﺪﻡ ﺑﮭﯽ ﺍﭨﮭﺎﯾﺎ ۔ ’ ﺟﺐ ﺑﺮﺳﺎﺕ ﮐﯽ ﺭﺍﺕ ‘ ﻓﻠﻢ ﮐﻮ ﺳﻨﺴﺮ ﺑﻮﺭﮈ ﻧﮯ ﮨﻨﺪﯼ ﮐﺎ ﺳﺮﭨﯿﻔﮑﯿﭧ ﺩﯾﺎ ﺗﻮﺳﺎﺣﺮؔ ﻧﮯ ﺍﺣﺘﺠﺎﺝ ﮐﯿﺎ ﺍﻭﺭﺍﺱ ﮐﻮ ﺍﺭﺩﻭ ﺳﺮﭨﯿﻔﮑﯿﭧ ﺩﻟﻮﺍ ﮐﺮ ﮨﯽ ﭼﯿﻦ ﻟﯿﺎ۔

ﺳﺎﺣﺮ ﮐﮯ ﻣﺘﻌﻠﻖ ﺍﯾﮏ ﺑﺎﺕ ﮐﮩﯽ ﺟﺎﺗﯽ ﮨﮯ ﮐﮧ ﻭﮦ ﺍﺭﺩﻭ ﮐﮯ ﺷﺎﻋﺮ ﺗﮭﮯ ﺍﻭﺭ ﮨﻨﺪﯼ ﮐﮯ ﻧﻐﻤﮧ ﻧﮕﺎﺭ،ﯾﮧ ﻋﺠﯿﺐ ﻣﻌﺎﻣﻠﮧ ﮨﮯ ﮐﮧ ﺗﺨﻠﯿﻖ ﺟﺐ ﻣﺠﻤﻮﻋﻮﮞ ﮐﯽ ﺯﻧﯿﺖ ﺑﻨﯽ ﺗﻮ ﺍﺭﺩﻭ ﺭﮨﯽ ﺍﻭﺭ ﺟﺐ ﻓﻠﻤﻮﮞ ﻣﯿﮟ ﺍٓ ﮔﺌﯽ ﺗﻮﮨﻨﺪﯼ ﮨﻮ ﮔﺌﯽ ،ﺍٓﺧﺮﻗﻮﻣﯽ ﭘﺮﯾﺲ ﮐﯽ ﯾﮧ ﮐﻮﻥ ﺳﯽ ﻣﻨﻄﻖ ﮨﮯ ﺟﺐ ﮐﮧ ﺑﺤﺮ ،ﻋﻼﻣﺘﯿﮟ ،ﻣﺤﺎﻭﺭﮦ ﺍﻭﺭ ﺍﺳﺘﻌﺎﺭﮮ ﺳﺐ ﮐﮯ ﺳﺐ ﺍﺭﺩﻭ ﮨﯿﮟ ۔ﺳﺎﺣﺮ ﺳﮯ ﺟﺐ ﺍﯾﮏ ﺻﺤﺎﻓﯽ ﻧﮯ ﮨﻨﺪﻭﺳﺘﺎﻥ ﮐﮯ ﺍﺭﺩﻭ ﮐﮯ ﻣﺴﺘﻘﺒﻞ ﮐﮯ ﺑﺎﺭﮮ ﻣﯿﮟ ﭘﻮﭼﮭﺎ ﺗﻮ ﺍﻥ ﮐﺎ ﺟﻮﺍﺏ ﺗﮭﺎﮐﮧ ﺍﺭﺩﻭ ﺯﺑﺎﻥ ﮐﻮ ﻣﺴﺘﻘﺒﻞ ﺳﮯ ﻋﻠﯿﺤﺪﮦ ﻧﮩﯿﮟ ﮐﯿﺎ ﺟﺎ ﺳﮑﺘﺎ،ﮨﻨﺪﻭﺳﺘﺎﻥ ﻣﯿﮟ ﺍﺭﺩﻭ ﮐﺎ ﻭﮨﯽ ﻣﺴﺘﻘﺒﻞ ﮨﮯ ﺟﻮ ﺧﻮﺩ ﮨﻨﺪﻭﺳﺘﺎﻥ ﮐﺎ ﮨﮯ ﯾﻌﻨﯽ ﺟﺲ ﺭﻓﺘﺎﺭ ﺳﮯ ﺗﻌﺼﺐ ﺍﻭﺭ ﺗﻨﮓ ﻧﻈﺮﯼ ﻣﯿﮟ ﮐﻤﯽ ﮨﻮ ﮔﯽ، ﺍﺳﯽ ﺭﻓﺘﺎﺭ ﺳﮯ ﺍﺭﺩﻭ ﺍﻭﺭ ﻣﻠﮏ ﺩﻭﻧﻮﮞ ﺍٓﮔﮯ ﺑﮍﮬﯿﮟ ﮔﮯ۔ﮐﺴﯽ ﻧﮯ ﮐﮩﺎ ﮨﮯ ﮐﮧ ﺳﺎﺣﺮ ؔﺍﺭﺩﻭ ﺷﺎﻋﺮﯼ ﮐﺎ ﭘﻮﺭﺍ ﺍٓﺩﻣﯽ ﮨﮯ ﮐﯿﻮﻧﮑﮧ ﺳﺎﺣﺮ ﻧﮯ ﺍﺩﺏ ﮐﮯ ﺣﻮﺍﻟﮯ ﺳﮯ ﺍﭘﻨﮯ ﺑﺎﻍ ﺑﮩﺸﺖ ﺳﮯ ﻧﮑﻞ ﮐﺮ ﺍﺫﯾﺘﻮﮞ ﻣﯿﮟ ﺍﭘﻨﯽ ﭘﻨﺎﮦ ﺗﻼﺵ ﮐﯽ ،ﺍﻭﺭ ﻋﻮﺍﻣﯽ ﺑﮭﯿﮍ ﺑﮭﺎﮌﻣﯿﮟ ﺍﭘﻨﮯ ﮐﮭﻮﺋﮯ ﮨﻮﺋﮯ ﺟﺬﺑﮯ ﺍﻭﺭ ﺍﺣﺴﺎﺱ ﺩﺭﯾﺎﻓﺖ ﮐﯿﺎ۔ﺍﮔﺮ ﺳﺎﺣﺮ ﺍﭘﻨﮯ ﺟﺎﮔﯿﺮ ﺩﺍﺭ ﺑﺎﭖ ﮐﮯ ﮔﮭﺮ ﻣﯿﮟ ﺭﮨﺘﮯ ﺗﻮ ﺷﺎﯾﺪ ﺯﻧﺪﮔﯽ ﮐﮯ ﺑﮩﺖ ﺳﺎﺭﮮ ﺗﺠﺮﺑﺎﺕ ﺍﻭﺭ ﺣﻮﺍﺩﺙ ﺳﮯ ﻣﺤﺮﻭﻡ ﺭﮦ ﺟﺎﺗﮯ،ﺳﺎﺣﺮ ﺣﻘﯿﻘﯽ ﻣﻌﻨﻮﮞ ﻣﯿﮟ ﺍﯾﮏ ﺍﻧﺴﺎﻥ ﺗﮭﺎﺍﻭﺭ ﺍﺱ ﺩﮬﺮﺗﯽ ﭘﺮ ﺑﺴﻨﮯ ﻭﺍﻟﮯ ﮨﺮ ﺍﻧﺴﺎﻥ ﮐﺎ ﺩﺭﺩ ﺍﺱ ﮐﺎ ﺍﭘﻨﺎ ﺩﺭﺩ ﺗﮭﺎ۔ﺍﻭﺭ ﺍﺱ ﮐﯽ ﺧﻮﺷﯽ ﺑﮭﯽ ﺍﺱ ﮐﯽ ﺍﭘﻨﯽ ﺧﻮﺷﯽ ﺗﮭﯽ ۔ﺳﺎﺣﺮ ﮐﯽ ﺯﻧﺪﮔﯽ ﻣﯿﮟ ﺳﺮﮐﺸﯽ ﺗﻠﺨﯽ ﺩﺭﺍﺻﻞ ﺍﯾﮏ ﻧﻔﺴﯿﺎﺗﯽ ﺭﺩ ﻋﻤﻞ ﮨﮯ۔۔۔۔ﺍﺱ ﺳﻤﺎﺝ ﮐﮯ ﺧﻼﻑ ﺟﮩﺎﮞ ﺍﯾﮏ ﺑﺎﭖ ﺟﺒﺮ ﺍﻭﺭ ﺍﻗﺘﺪﺍﺭ ﮐﯽ ﻋﻼﻣﺖ ﺑﻦ ﮐﺮ ﺍﺑﮭﺮﺗﺎ ﮨﮯ ﺍﻭﺭ ﺍﭘﻨﯽ ﺑﯿﻮﯼ ﮐﻮ ﺍﯾﮏ ﭘﺴﻤﺎﻧﺪﮦ ﻃﺒﻘﮯ ﺳﮯ ﺗﻌﻠﻖ ﺭﮐﮭﻨﮯ ﮐﯽ ﻭﺟﮧ ﺳﮯ ﺯﻭﺟﯿﺖ ﮐﮯ ﺣﻘﻮﻕ ﺳﮯ ﻣﺤﺮﻭﻡ ﺭﮐﮭﺘﺎ ﮨﮯ۔ﺍﺳﯽ ﻟﺌﮯ ﺑﺎﭖ ﺳﻤﺎﺝ ﮐﮯ ﺟﺲ ﻃﺒﻘﮯ ﮐﺎ ﻧﻤﺎﺋﻨﺪﮦ ﮨﻮﺗﺎ ﮨﮯ ،ﺳﺎﺣﺮ ؔﮐﻮ ﺍﺱ ﻃﺒﻘﮯ ﺳﮯ ﻧﻔﺮﺕ ﮨﻮ ﺟﺎﺗﯽ ﮨﮯ ۔ﺍﺳﯽ ﻟﺌﮯ ﮐﮩﺎ ﺟﺎﺗﺎ ﮨﮯ ﮐﮧ ﺳﺎﺣﺮ ﮐﯽ ﺯﻧﺪﮔﯽ ﻣﯿﮟ ﺻﺮﻑ ﺍﯾﮏ ﻣﺤﺒﺖ ﮨﮯ ﺍﻭﺭ ﺍﯾﮏ ﻧﻔﺮﺕ ۔ﻣﺤﺒﺖ ﺻﺮﻑ ﺍﺱ ﻧﮯ ﺍﭘﻨﯽ ﻣﺎﮞ ﺳﮯ ﮐﯽ ﮨﮯ ﺍﻭﺭ ﻧﻔﺮﺕ ﺻﺮﻑ ﺍﭘﻨﮯ ﺑﺎﭖ ﺳﮯ ۔ﺍﻭﺭ ﻣﺤﺒﺖ ﺍﻭﺭ ﻧﻔﺮﺕ ﮐﯽ ﯾﮧ ﺩﻭﻧﻮﮞ ﻋﻼﻣﺘﯿﮟ ﺳﺎﺣﺮ ﮐﯽ ﺷﺎﻋﺮﯼ ﻣﯿﮟ ﻣﺨﺘﻠﻒ ﺷﮑﻠﻮﮞ ﻣﯿﮟ ﻧﻈﺮ ﺍٓﺗﯽ ﮨﯿﮟ۔ﺳﺎﺣﺮ ﻟﺪﮬﯿﺎﻧﻮﯼ ﮐﯽ ﺷﺎﻋﺮﺍﻧﮧ ﺷﺨﺼﯿﺖ ﮐﺎ ﺧﻤﯿﺮ ﺑﺬﺍﺕ ﺧﻮﺩ ﺗﯿﺎﺭ ﮐﯿﺎ ﮨﻮﺍ ﮨﮯ، ﻭﮦ ﮐﺴﯽ ﮐﺎ ﻣﺮﮨﻮﻥ ﻣﻨﺖ ﻧﮩﯿﮟ ﮨﮯ۔ﺍﺳﯽ ﻟﺌﮯ ﺳﺎﺣﺮ ﺯﻣﺎﻧﮯ ﮐﮯ ﺗﻘﺎﺿﻮﮞ ﮐﮯ ﺳﺎﺗﮫ ﺧﻮﺩ ﻧﮩﯿﮟ ﺑﺪﻟﺘﮯ ﺑﻠﮑﮧ ﺯﻣﺎﻧﮯ ﮐﮯ ﺗﻘﺎﺿﻮﮞﮑﻮ ﺑﺪﻟﻨﮯ ﻣﯿﮟ ﯾﻘﯿﻦ ﺭﮐﮭﺘﮯ ﮨﯿﮟ ۔

..:: FOLLOW US ON ::..